1992 онд Макс Групп жижиглэн худалдааны салбараар үйл ажиллагаагаа тэлж, хүнсний худалдааны анхны дэлгүүрээ нээж байв. Салбартаа ийнхүү олон жилийн туршлага хуримтлуулж 2019 оноос сүлжээ дэлгүүрээ орчин үеийн амьдралын хэв маягт тохирсон шинэ концепцоор дахин танилцуулж, өдгөө нийт 12 салбартайгаар хэрэглэгчиддээ хүрч байна.

“ТАНАЙ ХӨРШ” уриатайгаар Олон Улсын стандарт, үйлчилгээний цоо шинэ орчин, өнгө төрхийг нэвтрүүлсэн “M-Март” нь үндэсний хэмжээний сүлжээ дэлгүүр болон хөгжихөөр ажиллаж байна.

“Макс Эксим” ХХК нь 1992 оноос эхлэн бие даасан импорт, борлуулалт, түгээлтийн мэргэшсэн аж ахуйн нэгжийн зохион байгуулалтад орсон билээ. Чех, Польш, Франц, Герман, Австрали, Итали, Энэтхэг, Солонгос зэрэг орнуудын дэлхийд чанар, нэр хүндээрээ танил болсон 150 гаруй нэр төрлийн хүнсний өргөн хэрэглээний бүтээгдэхүүн, шар айраг, дарс, чихэр, жигнэмэгний нэр төрийн бүтээгдэхүүнүүдийг импортлон Монгол Улсынхаа өнцөг булан бүрд хэрэглэгч, харилцагчдадаа түгээн борлуулсаар байна.

Манай компанийн чадварлаг, мэргэшсэн хамт олон зах худалдаа, бөөний төв, сүлжээ супермаркет, 21 аймгийн гэрээт харилцагчид, ХОРЕКА зэрэг сувгуудаар дамжуулан хэрэглэгчдэдээ хамгийн боломжит үнээр, дэлхийн өндөр чанарын импортын бараа бүтээгдэхүүнийг цаг алдалгүй хүргэж байна.

“Макс Групп” нь нийтийн хоол үйлдвэрлэлийн бизнесийн үйл ажиллагааны цар хүрээг тэлэн дэлхийн сүлжээ ресторан “Бургер Кинг”-г Монгол Улсад нэвтрүүлэх онцгой эрхийг авснаар, “Макс Центр” ХХК 2015 онд үүсгэн байгуулагдсан. Нийт 12 салбартай “Бургер Кинг”-ийн хамт олон өнгөрсөн хугацаанд стандартын өндөр түвшинд бэлтгэсэн эрүүл, шинэхэн орц бүхий ил гал дээр шарсан үхэр, тахианы махан бургерээр хэрэглэгчдэдээ үйлчилж байна.

Тасралтгүй хурдацтайгаар өсөн нэмэгдэж байгаа хотжилт, хүн амын төвлөрөл, эдийн засгийн өсөлт зэрэг эерэг хүчин зүйлсийн нөлөөгөөр бид үндэсний хэмжээнд франчайз түргэн хоолны үйл ажиллагаа эрхлэгч хамгийн том тоглогч болох зорилт тавин ажиллаж байна.

Рамада Улаанбаатар Сити Центр нь Улаанбаатар хот дахь дээд зэрэглэлийн 4 одтой олон улсын зочид буудал /124 өрөө/ бөгөөд тансаг зэрэглэлийн худалдааны төв болон орчин үеийн архитектурын шийдэл бүхий 17-н давхар цогцолбор юм. Дэлхийд өрөөнийхөө тоогоор тэргүүлдэг Виндем Группийн Рамада зочид буудлын сүлжээг “Макс Ложинг” ХХК франчайзын гэрээгээр 2011 онд Монголд байгуулагдсан.

Рамада Улаанбаатар Сити Центр нь хотын төвд байрлалтай бөгөөд дотроо 470 кв.м талбай бүхий Хансан ресторан, их хотыг 17 давхараас тольдох Edge Lounge-ийн үйл ажиллагааг амжилттай эрхэлж байна.

Макс Хотелс ХХК нь 2016 онд Intercontinental Hotels Group /IHG/-ийн франчайз онцгой эрхийг авч Холидэй Инн Улаанбаатар зочид буудлыг нээн, үйл ажиллагаагаа явуулж байна. IHG сүлжээ нь Англи Улсын шилдэг 100 аж ахуйн нэгжид тооцогддог, дэлхийн 120 гаруй оронд 6000 гаруй зочид буудалтай алдарт сүлжээ бөгөөд нийт 92 сая хүн гишүүнчлэлтэй.

Холидэй Инн Улаанбаатар зочид буудал нь зочдод үйлчлэх /169 өрөө/, Wine dining Иннжой ресторан /120 хүний суудал/, хурал болон хүлээн авалтын 5 танхим /350 хүний багтаамж/, Титэм спорт лаунж, Techno Gym брэндийн сүүлийн үеийн тоног төхөөрөмжтэй спа, фитнес зэрэг үйлчилгээтэй.

Бид олон улсын стандартад нийцсэн үйлчилгээг Монголдоо нэвтрүүлэн “Аялал Жуулчлал, Зочлох Үйлчилгээ”-ний салбартаа тэргүүлэгч байж “Joy of Travel for All” уриан дор гаднын жуулчид болон дотоодын зочдыг хүлээн авч, мөн тогтвортой хөгжлийн “Green Engage”, “Journey To Tomorrow” хөтөлбөрийг Монголын зочид буудлын салбарт анхдагч болон хэрэгжүүлж эх дэлхийдээ ээлтэй зочид буудал байхыг зорин ажиллаж байна.

Макс Лайн ХХК нь 1992 оноос хойш Европын бэлэн хувцас, гутал, тавилга, гэр ахуйн барааны импорт, худалдаа, үйлчилгээний салбарт үйл ажиллагаа явуулж байгаа. Одоо Итали улсын Geox, Coccinelle брэндүүдийн Монгол дах албан ёсны төлөөлөгч бөгөөд GEOX брэндийн 4, COCCINELLE брэндийн 1 салбар дэлгүүртэй үйл ажиллагаа явуулж байна.

GEOX салбар, байршил:

1. Макс Моол, 2 давхарт      2. Шангри-Ла Моол, 2 давхарт      3. Улаанбаатар их дэлгүүр, 5 давхарт      4. Хан-Уул И-Март, 1 давхарт

Coccinelle байршил:

1. Шангри-Ла Моол, 2 давхарт