Баяр баясал, хайр энхрийлэл дүүрэн “жаргалтай үрс” урлагийн наадам

Үндэсний бүтээн байгуулагч Макс группээс жил бүр “Хүүхдийн баяр”-ыг тохиолдуулан бидний гол хөдөлгөгч хүч болсон 2200 гаруй ажилтнуудын гэр бүлд аз жаргал, баяр баяслыг бэлэглэж байдаг хүүхдүүддээ зориулан олон ажлыг хийж хэрэгжүүлсээр байгаа бөгөөд  түүний нэг нь “Жаргалтай үрс” хүүхдийн урлагийн наадам болж байна. Авьяаслаг багачуудын ур чадвар, авьяас билэг, овсгоо самбаагаараа сорин өрсөлдөж байгаа уг наадмын зорилго нь хүүхдийн бага наснаас нь үндэсний соёл, зан заншлаараа бахархах үзлийг төлөвшүүлэх, гоо зүйн мэдрэмжтэй болгох, өв тэгш хүмүүжил олгох, тэдний авьяасыг нээн хөгжүүлэхэд орших юм. “Жаргалтай үрс”хүүхдийн урлагийн  наадам нь гоцлол дуу, гоцлол бүжиг, ганцаарчилсан хөгжим, уран шүлэг уншилт, чөлөөт үзүүлбэр, бий биелгээ, ерөөл магтаал гэсэн төрлүүдээр явагдаж амжилттай өндөрлөөд байна. “Үртэй хүн жаргадаг Үндэстэй мод нахиалдаг” гэдэг үг яах аргагүй үнэн. Ингээд баяр баясал, хайр энхрийлэл, аз жаргалаар гэрэлтсэн бяцхан хүүхдүүдийн өхөөрдөм хөөрхөн дүр төрх, хайр татсан инээдээр дүүрэн урлагийн наадмын дүн, гэрэл зургаас сонирхуулъя.

Макс группийн зүгээс хүүхэд багачуудаа дэмжиж тэдний авьяасыг хөгжүүлэхийн төлөө санаа тавьж үргэлж хичээл зүтгэл гарган олон сайхан арга хэмжээнүүдийг зохион байгуулах болно гэдгээ илэрхийлэхэд таатай байна.